MAHUNDI APONGEZA UWAJIBIKAJI KAKONKO ASHAURI WAONGEZE JUHUDI

 

Na Cosmas Makala









Kakonko

Kakonko. Naibu Waziri wa Maendeleo ya Jamii, Jinsia, Wanawake na Makundi Maalum, Mhe. Maryprisca Mahundi, amefanya ziara ya kikazi katika Wilaya ya Kakonko, mkoani Kigoma, ambapo alianza kwa kutembelea Ofisi ya Mkuu wa Wilaya ya Kakonko. Katika kikao hicho, alipatiwa taarifa ya maendeleo ya Wilaya iliyowasilishwa na mkuu wa wilaya Col. Evance Mallasa ikieleza mafanikio yaliyopatikana pamoja na hatua mbalimbali zinazochukuliwa katika utekelezaji wa shughuli za maendeleo kwa manufaa ya wananchi.

Akizungumza baada ya kupokea taarifa hiyo, Mhe. Mahundi aliupongeza uongozi wa Wilaya ya Kakonko ukiongozwa na Mkuu wa Wilaya,Col. Mallasa kwa usimamizi mzuri wa shughuli za maendeleo,Pia aliwapongeza Mh. Mbunge Alan Mvano, Katibu Tawala wa Wilaya Maulid Said Mtulia, pamoja na Mkurugenzi Mtendaji wa Halmashauri ya Wilaya ya Kakonko Ndaki Stephano Mhuli, kwa ushirikiano na ufanisi wanaouonyesha katika kusimamia utekelezaji wa mipango ya Serikali, jambo ambalo limechangia kuimarika kwa utoaji wa huduma kwa wananchi.

Katika hatua nyingine, Naibu Waziri alipata fursa ya kuzungumza na watumishi wa Halmashauri ya Wilaya ya Kakonko ambapo aliwapongeza kwa kujituma na kufanya kazi kwa weledi. Aliwataka kuendelea kudumisha nidhamu, uwajibikaji na mshikamano katika kutekeleza majukumu yao ya kila siku ili kuongeza tija katika utoaji wa huduma za umma na kuendelea kujenga imani ya wananchi kwa Serikali yao.

Mhe. Mahundi alisisitiza kuwa Serikali ya Awamu ya Sita chini ya uongozi wa Rais wa Jamhuri ya Muungano wa Tanzania, Mhe. Dkt. Samia Suluhu Hassan, imejielekeza katika kuwaletea wananchi maendeleo kupitia utoaji bora wa huduma za kijamii na kiuchumi. Hivyo, aliwahimiza watumishi wote kuendelea kufanya kazi kwa bidii, uadilifu na uzalendo ili kuhakikisha malengo ya Serikali ya kuboresha maisha ya Watanzania yanafikiwa.

Pia aliwashauri kuchangamkia fursa wanazo kutananazo katika maeneo yao ya kazi kama kununua viwanja, mashamba, kujenga nyumba za kuishi na kupangisha ili kujiongezea kipato katika maisha yao ya kila siku na kuacha dhana ya Watoto wanaowazaa kwenye familia kuwaacha kwenye malezi ya  Bibi na Babu na badala yake waweze kuwalea wenyewekama familia.

 

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na ...
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu...
Endelea kusoma

KATIKA KUKABILIANA NA MAJANGA YA MOTO SERIKALI IMETOA GARI LENYE MTAMBO WA KUZIMIA MOTO KATIKA WILAYA YA KIBONDO

Picha
  Wilaya ya Kibondo mkoani Kigoma imepokea gari (mtambo) utakaosaidia katika kukabiliana na majanga ya moto yanapotoke Uzinduzi wa mtambo umefanyika ofisi ya mkuu wa wilaya ya Kibondo ambapo mkuu wa wilaya hiyo Kanali Aggrey Magwaza amesema mtambo huo utasaidia kwa kiasi kikubwa hasa pale zitakapotokea changamoto za ajali za moto Aidha ameagiza uongozi wa halmashauri chini ya mwenyekiti wa halmashauri Bw. Alex Baragomwa kuhakikisha wanatoa ushirikiano kwa zimamoto katika upatikanaji wa maji, mafuta na matengenezo ya mtambo huo ili uendelee kutoa huduma katika hali ya ubora Awali kaimu Kamada wa jeshi la zimamoto na uokoaji mkoa wa Kigoma Mrakibu masaidizi Michale Maganga amesema imani yake ni kwamba, kuwepo kw amtambo huo kutawafanya wananchi wa wilaya ya Kibondo wawe salama zaidi dhidi ya majanga ya moto Mwenyekiti wa halmashauri ya wilaya ya Kibondo Bw. Alex Baragomwa pamoja na mwenyekiti wa chama cha mapinduzi wa wilaya hiyo Bw. Hamisi Tahiro wameomba elimu izidi kutolew...
Endelea kusoma