"UJENZI WA MELI MPYA NA CHELEZO KIGOMA KUFUNGUA SOKO LA BIASHARA KIMATAIFA" WAZIRI MBARAWA

 







"UJENZI WA MELI MPYA NA CHELEZO KIGOMA KUFUNGUA SOKO LA BIASHARA KIMATAIFA" WAZIRI MBARAWA

 

Waziri wa Uchukuzi, Prof. Makame Mbarawa, amesema uwekezaji wa kampuni ya kizawa ya Dar es Salaam Merchant Group katika ujenzi wa chelezo na meli mpya mkoani Kigoma utaongeza uwezo wa Tanzania kujenga na kukarabati meli nchini, huku ukifungua fursa za biashara na huduma za ujenzi wa meli kwa nchi zinazozunguka Ziwa Tanganyika, ikiwemo DRC na Zambia

 

Prof. Mbarawa ameyasema hayo baada ya kukagua eneo la Bulombora Mkoani Kigoma linalojengwa chelezo cha kampuni hiyo, akisema Serikali inaendelea kuweka mazingira wezeshi kwa sekta binafsi kushiriki katika uwekezaji wa miundombinu na huduma za usafiri wa njia ya maji hatua ambayo itaongeza uwezo wa wazawa katika ujenzi na ukarabati wa vyombo vinavyosafiri kwa njia ya maji

 

Amesema kampuni hiyo, iliyoshiriki katika ujenzi na ukarabati wa meli ikiwemo MV Liemba, imeanza maandalizi ya ujenzi wa meli mpya yenye uwezo wa kubeba abiria 600 na tani 400 za mizigo, Meli ambayo itaongeza uwezo wa usafirishaji katika Ziwa Tanganyika na kuchochea biashara kati ya  Kigoma, Katavi, Rukwa na nchi jirani

 

Prof. Mbarawa amesema mradi huo unaendana na azma ya Serikali ya kuwawezesha wazawa kushiriki katika miradi mikubwa ya maendeleo na kuongeza uwezo wa ndani katika sekta ya uchukuzi, akiahidi Serikali kuendelea kutoa ushirikiano ili mradi ukamilike kwa wakati na kwa viwango vinavyotakiwa

 

Kwa upande wake, Mkurugenzi Mkuu wa Dar es Salaam Merchant Group, Bw. Rayton Kwembe, amesema sehemu ya kwanza ya chelezo inatarajiwa kukamilika mwezi Desemba, huku maandalizi ya ujenzi wa meli mpya yakiendelea

 

Eneo hilo, lililopo kilomita 25 kutoka Kigoma mjini, lina ukubwa wa mita za mraba 95,000 na litakuwa na maeneo ya kutengeneza na kuunganisha vitalu vya meli, kujengea meli pamoja na floating dock kwa ajili ya kuingiza na kushusha meli kwenye maji

 

Aidha, kampuni hiyo imesema imeanza kutumia bidhaa zinazozalishwa nchini katika ujenzi wa meli, ikiwemo viti, makabati, vitanda na samani nyingine. Hatua hiyo inalenga kuongeza matumizi ya bidhaa za ndani, kukuza ujuzi wa wazawa na kupunguza utegemezi wa bidhaa kutoka nje

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na ...
Endelea kusoma

RAIS SAMIA AWEKA JIWE LA MSINGI UJENZI SGR NA KUZINDUA MELI NNE ZA MIZIGO ZIWA TANGANYIKA

Picha
  Samia Suluhu Hassan Rais wa Jamhuri ya Muungano wa Tanzania Alan Mvano Mbunge Jimbo la Kakonko Simon Siro Mkuu wa Mkoa wa Kigoma Makame Mbalawa Waziri wa Uchukuzi Na Emmanueli Matinde,Kigoma Kigoma .Rais wa Jamhuri ya Muungano wa Tanzania Mhe. Dkt. Samia Suluhu Hassan, amwesema serikali imeendelea na jitihada mbali mbali za kuimarisha miundombiu ya usafiri na usafirishaji nchini ikiwemo ujenzi wa Reli ya kisasa, uendelezaji wa bandari na ujenzi wa barabara na viwanja vya ndege. Dkt. Samia amesema hayo leo mkoani Kigoma mara baada ya kuzindua meli nne za mizigo ndani ya Ziwa Tanganyika, na kuweka jiwe la msingi la ujenzi wa Reli ya kisasa (SGR) Tabora – Kigoma, chenye urefu wa kilomita 506 kitakachojengwa kwa gharama ya Shilingi Trilioni 7.4. Amesema yote hayo yanafanyika kwa lengo la kuifungua nchi kibiashara na kiuwekezaji, kupunguza gharama za usafiri na usafirishaji na kurahisisha biadhaa kuyafikia masoko ya ndani na ya nje ya nchi. Kwa upande wake Waziri wa Uchukuzi P...
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu...
Endelea kusoma