Pinda akerwa na ushirikina, dawa za kulevya

Dar es Salaam. Waziri Mkuu, Mizengo Pinda amewaomba viongozi wa dini nchini kuitumia mikutano ya mahubiri kutoa elimu kwa waumini wao na wananchi kwa ujumla kuachana na imani za kishirikina za kukata viungo na  kuwaua walemavu wa ngozi (albino ).
Pia, amewaomba kutumia mahubiri hayo kutoa elimu juu ya athari za dawa za kulevya kwa waumini wao na Watanzania wote kwa ujumla.
Pinda alitoa wito huo jana wakati wa ibada ya uzinduzi wa Kanisa la Moravian Tanzania, Jimbo la Mashariki uliyofanyika kwenye makao makuu ya jimbo hilo, Mbagala Chamazi. Jimbo hilo linajumuisha mikoa ya Dar es Salaam, Morogoro, Lindi, Mtwara na Pwani.
Akizungumza mbele ya viongozi hao wa dini kutoka ndani na nje ya nchi, Pinda alisema Tanzania bado inakabiliwa na changamoto kubwa ya matumizi ya dawa za kulevya hasa kwa vijana.
“Nchi yetu imekuwa ikitajwa kwamba inatumika kwa kasi katika kusafirisha dawa za kulevya. Ni jana tu tumesikia taarifa katika vyombo vya habari zikitaja kwamba meli moja ya Tanzania imekamatwa huko Uingereza ikiwa imebeba tani tatu za dawa za kulevya,” alisema na kuongeza: “Niwaombe sasa viongozi wa taasisi zote za dini, tuungane na Serikali kutoa elimu juu ya athari za biashara ya dawa za kulevya na matumizi yake katika jamii. Ninawasihi tuhakikishe kwenye mikutano yote tunayoifanya tusimalize bila kutoa elimu kuhusu athari za dawa za kulevya kwa waumini wetu na umma kwa ujumla.”
Pinda alisema, viongozi wa dini wana jukumu kubwa la kuwalea zaidi vijana ili wasijiingize kwenye matumizi ya dawa za kulevya kwa sababu wao ndiyo kundi kubwa zaidi miongoni mwa waumini.
Akizungumzia mauaji ya albino, aliwaomba viongozi wa dini kushirikiana na Serikali kukemea kwa nguvu zote vitendo hivyo.
“Tangu mwaka 2006 kumetokea mauaji ya watu 46 niwaombe tena taasisi zote za dini zitusaidie kuondoa au kubadili imani hizi za kishirikina miongoni mwa jamii. Ninaamini tukiunganisha nguvu zetu kwa pamoja dhidi ya fedheha hii tutashinda,” alisisitiza.
Askofu Kiongozi wa kanisa hilo, Dk Issack Nikodemo aliwataka waumini wa Kikristo kuomba kwa ajili ya amani ya Taifa hasa katika kipindi hiki ambacho linajiandaa kwa ajili ya Uchaguzi Mkuu.
Mwenyekiti wa Jimbo la Kigoma, Charles Katare alisema kanisa hilo lipo tayari kumchangia Waziri Mkuu fedha za kununua fomu kugombea urais, kwani wamesikia anataka kuwania nafasi hiyo.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma