Profesa Shivji: Migogoro ya ardhi ni adui wa maendeleo ya wananchi

Kwa muda mrefu, Serikali imekuwa ikianzisha mipango, sera, miradi na mikakati mbalimbali yenye lengo kuinua uchumi nchini.
Licha ya mipango hiyo kuwapo, bado kumekuwa na ugumu katika kufikia mafanikio yaliyotarajiwa kutokana na sababu mbalimbali, ikiwa ni pamoja na kuwa na mipango na mikakati mingi kwa wakati mmoja pamoja, hali kadhalika uwapo wa migogoro ya ardhi katika vijijini vingi nchini.
Wakati kukiwa na ugumu huo, inaelezwa kuwa asilimia 70 ya Watanzania wanajishughulisha na kilimo, lakini wengi wanashindwa kufikia malengo kutokana na migogoro ya ardhi.
Baadhi ya mipango ya Serikali ya kuinua uchumi ni pamoja na Mkakati wa Kukuza Uchumi na Kuondoa Umasikini (Mkukuta), Mpango wa Kurasimisha Rasilimali na Biashara Tanzania (Mkurabita), Mkakati wa Maendeleo ya Sekta ya Kilimo (ASDS). Programu ya Kuendeleza Sekta ya Kilimo (ASDP), Kilimo Kwanza, Uendelezaji Kilimo Ukanda wa Kusini Tanzania (SAGCOT), Mpango wa Maendeleo wa Miaka Mitano ambao ulianza mwaka 2011-2016 na Mpango wa Matokeo Makubwa Sasa (BRN).
Profesa Issa Shivji ni mmoja kati ya waanzilishi wa taasisi ya utafiti na utetezi wa haki za ardhi inayoitwa HakiArdhi. Taasisi hiyo ilianzishwa mwaka 1994 kwa ajili ya kuhakikisha kuwa wananchi wanatumia ardhi kwa ajili ya maendeleo kwa kuwa ardhi ni gurudumu la maendeleo.
Akizungumzia maadhimisho ya miaka 20 tangu kuanzishwa kwa taasisi hiyo, Profesa Shivji anasema: “Huwezi kuzungumza mfumo wa umiliki ardhi nje ya mwelekeo na mfumo wa nchi. Jiulize, unataka nani au kundi gani katika nchi liwe gurudumu la maendeleo.”
Profesa Shivji, ambaye alikuwa mwenyekiti wa Tume ya Ardhi iliyoundwa mwaka 1990 ya Rais Ali Hassan Mwinyi kwa ajili ya kuangalia matatizo na migogoro ya ardhi nchini na baadaye kutoa mapendekezo.
Tume hiyo ilipendekeza kuwa gurudumu la maendeleo liwe wazalishaji wadogo, hasa wa vijijini na hivyo lazima wazalishaji hao washirikishwe katika suala zima la ugawaji wa ardhi.
“Kuna mjadala mkubwa tu na upande mmoja unasema ni wawekezaji. Sasa kama umeamua wawekezaji ndio watakuwa watu wa kutuletea maendeleo, lazima upore ardhi kwa wanakijiji na kuwapatia wawekezaji,” anasema.
“Kama unakubali kwamba mchango wa wawekezaji hautakuwa mstari wa mbele na wazalishaji wadogo ndiyo watapewa kipaumbele, lazima uondoe hofu juu ya ardhi kwa wazalishaji hao.”
Anasema msingi mkuu wa kuanzisha Taasisi ya HakiArdhi mwaka 1994 ni baada ya kuona mapendekezo makuu ya tume hiyo kutozingatiwa na Serikali.
“Inatakiwa iwe hivi. Serikali ikitaka ardhi kwa manufaa ya wananchi, lazima iwashirikishe wananchi husika na waelezwe na kukubali,” anasema.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na ...
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu...
Endelea kusoma

Kibondo;Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi wakutosha hali inayopelekea kuathili ufundishaji

Picha
Alfrida Ndungulu mkuu wa chuo Atashasta Nditiye Mbunge jimbo la Muhambwe Kibondo; Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi  wakutosha hali inayopelekea kuathili ufundishaji Chuo hicho hakina Jengo la Maabara kwa ajili ya kujifunzia kwa vitendo kwa wanafunzi walimu waliopo ni watatu na mahitaji wanatakiwa wapo walimu kumi na tano Akiongelea swala hilo jana  katika mahafali ya saba  kwa wahitimu ngazi ya cheti mkuu wa chuo hicho Alfreda Ndungulu alisema licha ya walimu kujituma kufanya kazi kwa bidii lakini changamoto hizo zimekuwa zikiwalemea kwa kukosa mahitaji muhimu kama vifaa vya maabara kwa ajili ya kufundishia huku akiiomba serikali kupitia wizara ya Afya maendeleo ya Jamii Jinsia, Wazee na Watoto kulitazama kwa namna ya pekee Nao wanafunzi waliokuwa w...
Endelea kusoma