Ukawa wasumbua vichwa vya Baadhi ya Wabunge Dodoma

KATIKA hali inayoonekana kama kutaabishwa na wajumbe wa kundi la Umoja wa Katiba ya Wananchi (UKAWA), Mwenyekiti wa Bunge Maalum la Katiba,
Mwenyekiti wa Bunge la Katiba Swmweli Sita
Samuel Sitta, jana aliamua kueleza hali halisi ilivyo kwa takribani dakika sita akiwa ndani ya ukumbi wa Bunge wakati mjadala wa katiba ukiendelea  na kuwaita  wajumbe kuwa  ni waigizaji.
Hatua hiyo ya Sitta, ilibadili upepo wa Bunge kwa muda, kwani baadhi ya wachangiaji wa mjadala wa sura za rasimu ya katiba, nao waliamua kuanza kujadili hoja na kujikita kuwataka wana  UKAWA kuwa wakeli.
Miongoni mwa wajumbe waliochepuka kwenye mjadala na kuwajadili UKAWA ni Mwenyekiti wa UPDP, Fahami Dovutwa, ambaye alizungumzia kuhusu makubaliano ya kikao baina ya vyama vinavyounda Kituo cha Demokrasia
Tanzania (TCD), na Rais Jakaya Kikwete.
Licha ya kuwafurahisha wajumbe wa CCM, Dovutwa alijikuta akitofautiana na Mwenyekiti wa TCD, John Cheyo (UDP), pale alipokiri kwamba yeye, Cheyo na Augustine Mrema (TLP), hawakusaini baadhi ya vipengele vya
makubaliano kama ilivyodaiwa na viongozi wa UKAWA.
Dovutwa, alitaja sababu ya kutosaini baadhi ya vipengele hivyo kuwa ni kutokana na masharti ya mtego ya ghafla ya UKAWA kutaka Bunge hilo lisitishwe, jambo ambalo ni kinyume na tangazo la Serikali Na 254, lililowekwa kwa mujibu wa sheria.
Vituko hivyo, vilianza kwa Sitta kuwashambulia baadhi ya wasomi wanaokosoa uendeshaji wake wa Bunge, akisema ni watu wanaohusiana na UKAWA, ambao kazi yao kubwa ni kuzuia kabisa katiba mpya isipatikane.
Bila kumtaja kwa jina mhadhiri mwandamizi wa Chuo Kikuu Kishiriki cha Elimu cha Dar es Salaam (DUCE), Prof. Kitila Mkumbo, aliyemnukuu jana asubuhi akimkosoa kupitia kituo cha runinga cha Star, Sitta alisema;
“Kuna watu wanajiita wasomi nadhani wanahusiana na hao wanaojiita UKAWA, ambao jitihada yao kubwa sana ni kuzuia kabisa katiba isipatikane.
“Leo nimemsikia mmoja anasema kwamba, kupiga kura itakuwa Sitta anavunja sheria ya uchaguzi. Sisi hatupigi kura ya uchaguzi, tunapiga kura ya uamuzi kuhusu suala ambalo wajumbe hao wana haki ya kupiga kura na kushiriki katika kuamua juu ya katiba,” alisema.
Sitta aliongeza kuwa, ndio maana hata katika kamati walipigisha kura kwa wajumbe waliokuwa hospitalini, kwamba hilo ni jambo tofauti kabisa wala wajumbe hawapaswi kufadhaika kwa sababu ni kawaida ya watu,
wameamua kujisemea wanavyotaka.
Mwenyekiti huyo, hakuishia hapo kwani baada ya dakika chache alisimama tena na kusema; Waheshimiwa wajumbe nadhani mtakuwa mmesikia kupitia vyombo vya habari kwamba, UKAWA wanataka kunishtaki katika Mahakama ya
Kimataifa ya Makosa ya Jinai iliyoko The Hague, Uholanzi.
“Sasa sijui kama wenzangu mnakiona kitu kimoja ambacho mimi nakiona, baadhi ya viongozi wa UKAWA wana kipaji cha dhahiri cha uigizaji kabisa. Ni waigizaji wazuri,” alisema na kuongeza;
Ebu fikirieni vituko vyao…tulipokuwa hapa mwanzoni, tumevutana siku 18 kuhusu kura ya wazi au siri-siku ya kuzikubali kanuni, watu hawa waliopigania kufa na kupona kupiga kura ya siri, wakapiga kura ya wazi.
“Wakaleta tishio kwa kumtuma mwenzao mmoja akaleta hoja binafsi kwamba Bunge hili lisiendelee hadi hati ya Muungano ipatikane…tukaleta nakala, wakasema hapana mmeghushi saini ya hayati Karume.
“Ilipokuja halisi kutoka mahala pa usalama tarehe 16 Aprili, wakasusia Bunge hadi leo. Juzi mheshimiwa Rais alivyo muungwana, alikutana nao mara mbili zaidi ya saa saba, walifikia maafikiano, wakatoka hapo siku moja baadaye wamekana yale yaliyotokea hapa Dodoma mbele ya Rais,” alisema.
Sitta aliwataka wananchi waendelee kuwapima watu hawa, kwamba yeye anashindwa kuwaelewa kabisa.
“Najua kule Marekani walipata kutokea viongozi ambao ni wacheza sinema kama Ronald Regan…kama Schwarzenegger alikuwa gavana wa California, lakini ile ni nchi tajiri wanaweza kuhimili viongozi ambao wanafanya mzaha mzaha, sisi ni nchi masikini, hatuwezi kuhimili.
“Wananchi wajue hivyo. Kwa hiyo mimi natoa ushauri kwamba mwakani watakaposhindwa vibaya uchaguzi kwa tabia zao hizo basi warejee fani ambayo Mwenyezi Mungu amewajalia, nayo ni uigizaji,” alisema Sitta.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma