Aua Mwanafunzi ala Ubongo, Aijikata sehemu za siri

Aua mwanafunzi, ala ubongo, ajikata uumeFRANCIS Fortunatus (9), mwanafunzi wa darasa la tatu Shule ya Marangu Hills Academy, ameuawa kinyama na mtu anayedaiwa kuwa mfanyakazi wao baada ya kumcharanga kwa mapanga kichwani na kisha kula ubongo wake.
Kamanda wa Polisi Mkoa wa Kilimanjaro, Kamishna Msaidizi Mwandamizi wa Polisi (SACP), Robert Boaz, alithibitisha kutokea kwa tukio hilo.

Alisema mwanafunzi huyo alifariki dunia juzi majira ya saa 1:20 asubuhi nje ya lango la kuingilia nyumbani kwao, Kijiji cha Samanga, Kata ya Marangu Mashariki.

Kamanda Boaz, alisema muuaji ametambuliwa kuwa ni Lawrence Mramba (22), ambaye inadaiwa alishikwa na mapepo yaliyosababisha pia kukata uume wake na kuanza kuutafuna kabla ya kupoteza maisha baada ya kufikishwa Hospitali ya Kilema, Moshi Vijijini.

“Polisi tunaendelea na uchunguzi wa kina wa kifo hicho, lakini mtuhumiwa wa mauaji hayo, baada ya kumuua mwanafunzi huyo aliamua pia kujikata kwa panga sehemu zake za siri. Miili ya marehemu hao imehifadhiwa Hospitali ya Kilema,” alisema Kamanda Boaz.

Kwa mujibu wa mashuhuda wa tukio hilo, Venessy Mallya na Obed Shayo, wakati mauaji hayo yakitokea, baba mzazi wa mtoto huyo, Fortunatus Urassa, alikuwa safarini eneo la Marangu-Mtoni akienda mkoani Singida anakofanyia shughuli zake za kibiashara.

Tanzania Daima ilimtafuta kwa njia ya simu mzazi huyo, ambaye alisema kuwa Lawrence alikuwa mwanafunzi wake wa kozi ya useremala, ambaye pia alikuwa akimtumia kama fundi wake msaidizi.
“Huyu kijana alikuwa mfanyakazi wangu na wakati alipomaliza mafunzo yake, niliamua kumuajiri kama fundi… inashangaza kwa sababu sikuwahi kujua kama alikuwa mgonjwa wa akili wala kubaini ukorofi wake kazini,” alisema mzazi huyo kwa masikitiko.

Mkuu wa Shule ya Marangu Hills Academy, Thomas Malulu, alisema kuwa mwanafunzi huyo aliuawa akiwa njiani kwenda shuleni hapo, takribani mita 100 kutoka lilipo lango kuu la kuingilia shuleni.
Alisema baada ya kumtambua marehemu kuwa ni Francis Fortunatus, walimsaka muuaji huyo na kumkuta akiwa amejificha karibu na nyumbani kwa marehemu akiwa ametapakaa damu baada ya kujifyeka uume wake.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma