SERIKALI KUVIHAKIKI VYAMA VYA KIJAMII

SERIKALI imedhamiria kuanza mchakato wa kuhakiki vyama vya kijamii ili kuboresha huduma zinazotolewa na vyama hivyo nchini tangu kuanzishwa kwake.

Msemaji wa Wizara ya Mambo ya Ndani ya Nchi, Bw. Isack Nantanga, aliyasema hayo Dar es Salaam jana wakati akizungumza na waandishi wa habari.

Alisema uhakiki huo utaanza rasmi Oktoba mwaka huu ambapo vyama visivyo na sifa ya kuendelea kuwa katika Daftari la Msajili vya Vyama vya Kijamii, vitafutwa kabisa.

Akizungumzia sababu zinazoweza kusababisha vyama hivyo kufutwa katika daftari hilo, alisema ni pamoja na kutolipa ada za mwaka kwa wakati na kutowasilisha kwa Msajili taarifa za kila mwaka za utendaji kazi wa chama.

Sababu nyingine ni chama kufanya shughuli tofauti na zile ambazo ziliandikishwa kwenye katiba ya chama husika.

"Ili kuvishirikisha vyama husika, kabla ya kuanza uhakiki huu Wizara itachapisha katika baadhi ya magazeti majina ya vyama vyote vya kijamii vilivyopo katika kumbukumbu za daftari hilo.

"Baada ya kutangaza majina hayo, kila chama cha kijamii kitatakiwa kuhakikisha kinatekeleza matakwa ya kisheria ya kulipa ada ya mwaka na kuwasilisha kwa Msajili wa Vyama vya Kijamii taarifa inayohusiana na mapato, matumizi ya fedha ya chama kama Sheria inavyotaka," alisema.

Aliongeza kuwa, baada ya kipindi cha miezi mitatu tangu kutangazwa tangazo hilo, Wizara itaanza kuchukua hatua za kisheria ikiwemo ya kukifuta chama husika ambacho kitashindwa kutekeleza maelekezo hayo katika daftari hilo.

Alisema pamoja na taarifa ambazo zitapatikana katika uhakiki huo, zitawezesha kuanzishwa kwa Kanzi Data ya kisasa ya vyama vya kijamii ambayo itasaidia kuboresha mawasiliano kati yao na Msajili wa Vyama na vyama hivyo.

"Hadi sasa, daftari hilo linaonesha kuna vyama vya kijamii 9,554 kote nchini, kati ya hivyo vya kidini 956 na vingine 8,598...Wizara hii ndiyo yenye jukumu la kusajili na kusimamia uendeshaji wa vyama hivyo nchini kwa mujibu wa Sheria ya Vyama vya Kijamii Sura 337, iliyofanyiwa mapitio mwaka 2002," alisema.

Vyama vinavyosajiliwa chini ya Sheria hiyo ni pamoja na vya kidini, kitaaluma, vyama vya starehe na burudani.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma