Katiba ni mali ya wananchi, waielewe

Tunaendelea na mfululizo wa makala haya kuhusu Katiba Inayopendekezwa baada ya kumaliza sehemu ya pili wiki iliyopita.
Ni muhimu kuendelea kusisitiza kuwa siyo sahihi kupigia kura ya “Ndiyo”au “Hapana” Katiba Inayopendekezwa wakati bado haifahamiki kwa wananchi, haijawafikia wananchi na bado muda wa kuelimisha kwa umma ni mfupi kumwezesha kila mtu kuisoma, kuichambua, kuielewa na kuitumia.
Tunaendelea kusisitiza tena kuwa kila mtu ana haki na anastahili kuijua, kuisoma ama kuelimishwa na kuwa na nakala yake ili kwa wakati wake ajisomee binafsi kwa uelewa zaidi. Tunaendelea kusisitiza tena kuwa idadi ya nakala zilizotolewa hazikidhi haja ya kuwahabarisha, raia walio wengi kuijua, kuielewa na kuitumia Katiba hii kwa minajili ya kuipigia kura.
Tunaomba na kuitaka mamlaka husika kutuchukulia sote kuwa tuna haki na wajibu wa kuijua, kuielewa, kuichambua na kisha kuipa uhalali ama kuikataa kwa hoja za uhakika.
Mjadala wa wiki hii katika kipindi cha Malumbano ya Hoja kinachorushwa na kituo cha runinga cha ITV uligusa pamoja na mambo mengine hoja ya mama mmoja aliyedai kuwa kina mama wa vijijini wana kazi nyingi hawatapata muda wa kusoma Katiba, kwa hiyo wakikusanywa katika vikundi wakasomewa, inatosha! Ilionekana kama mama aliyetoa kauli hii ni mtumishi wa Serikali na kwa kauli hii imethibitisha kuwa Serikali haina nia ya dhati ya kutaka ushiriki wa wananchi katika mchakato wa Katiba. Awali, tumeambiwa tutoe maoni yetu kwenye tume ili yatumike kuandika Rasimu ya Katiba.
Uandishi unaonekana kuacha zaidi ya mambo 20 kama yalivyoainishwa na Jukwaa la Katiba, wanaharakati na hata na baadhi ya taasisi za kidini.
Katika mazingira yasiyolingana wala kupangwa, wiki hii kumekuwa na matukio yaliyoletea wanavijiji na vitongoji vya Kata ya Unyamikumbi katika Manispaa ya Singida Mjini kupata fursa ya kutoa kero zao katika masuala mbalimbali ya maendeleo na suala la katiba lilijitokeza pia.
Katika hali ya urahisi kabisa wananchi hawa, wake kwa waume na wengi wakiwa wazee waliuliza kama wana haki ya kuwa na katiba. Waliuliza pia kama wana haki ya kuijua katiba katika lugha yao ili wabaini kama kweli inawahusu ama la.
Wananchi pia wanataka kujua kama huduma mbalimbali zinazotolewa na serikali ni haki zao ama ni huruma tu ya Serikali kwao.
Maswali ya aina hii yanaashiria kuwa watu hawa wanahitaji kujua maana ya katiba na wanataka kujua kama kero zao zimo ndani ya misingi ya kikatiba ama la na kama ndivyo wafanye nini kupata majibu sahihi kwa maswali yao.
Wakati wa kufikiri kuwa wananchi wanaoishi vijijini ni wajinga na hawana haki ya kujua hata yale wanayostahili, umepita! Maswali yao yanaashiria kuwa wana haja na kuelewa Katiba na ya kuwa kipindi hiki hakitapita bila kufikiwa na elimu hii.
Singida haina mashirika mengi ya kijamii kusimamia kazi hii. Wahamishaji wachache waliopo na wanaoweza kupatikana, huenda wasifikie sifa za kupata ‘vibali’ vilivyowekwa na serikali ili kusaidia kueneza elimu na uelewa huu kwa lugha na kiwango cha wananchi wake.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma