UANDIKISHWAJI: Usugu wa vidole kwa BVR watatuliwa

Makambako/Mwanza. Tatizo la watu wenye vidole sugu ambao awali vilishindwa kusomwa na mashine zinazotumika kuandikisha wapigakura za Biometrick Voters Registration (BVR) limepatiwa ufumbuzi na wataalamu wa mashine hizo walioambatana na tume katika mji huu kwa ajili ya kazi hiyo.
Watu hao walipatwa na mshtuko baada ya mashine hizo zinazofanya kazi kwa mara ya kwanza nchini kushindwa kutambua vidole vyao na kuwa katika hatari ya kukosa vitambulisho vitakavyowapa haki ya kupiga kura ya maoni kupitisha Katiba Mpya na ile ya Uchaguzi Mkuu wa 2015.
Mkurugenzi wa Tume ya Taifa ya Uchaguzi, Julius  Malaba aliliambia gazeti hili juzi kuwa, changamoto zote ikiwamo ya mashine za BVR kushindwa kusoma vidole vyenye usugu limetatuliwa, huku akisita kueleza namna lilivyotatuliwa.
“Pita katika vituo uone kama kuna mtu anarudiwa kwa tatizo la mashine kushindwa kusoma vidole vyake...,” alisema Malaba.
Gazeti hili lilipita katika vituo vya Bwawani, Ndondole, Lupila, Kitis, Lyamukena na vinginevyo kuuliza kama tatizo hilo lipo lakini wengi walikiri kuwa kwa sasa halijajitokeza. Mmoja wa watu waliokuwa na vidole sugu, Hardson Kinami aliliambia gazeti hili kuwa, mara baada ya kuingia katika chumba cha kuandikisha na kuchukuliwa maelezo mashine iligoma kusoma vidole vyake kwa zaidi ya mara mbili hali iliyompa hofu ya kukosa kitambulisho.
“Nilipata hofu kwani nimekuja jana (juzi) na kushindwa kuandikisha (leo) jana nimejihimu saa 10.00 alfajiri na nilipoingia ndani, mashine ikagoma kwa kweli nilishtuka sana...maofisa waliniambia ninawe mikononi na kusugua sehemu za vidole vitakavyogusa mashine, baada ya kufanya hivyo walinipa mafuta fulani na kuniambia niyafikiche ndipo mashine iliposoma vidole vyangu,” alisema.
Mtaalamu wa mashine hizo ambaye hakutaka jina lake litajwa kwa madai yeye si msemaji wa tume alisema, kilichotumika kutatua changamoto hiyo ni utundu tu na wala hapakuwa na njia ya kitaalamu ya kuitatua.
Akizungumzia changamoto ya mashine kuharibika alisema: “Kwa kawaida mashine hizi hazitakiwi kufanya kazi kwa muda mrefu, zinatakiwa kupumzishwa na kufanyiwa matengenezo, kwa hali hiyo ndiyo inatafsiriwa kuwa mashine zimeharibika,” alisema.
Hadi kufikia juzi, tume hiyo ilikuwa imeandikisha wapiga kura 19,396 na kazi hiyo ilikuwa bado inakabiliwa na changamoto ya wingi wa watu vituoni kiasi cha kusababisha vurugu kutokea kwa baadhi ya vituo.
Gazeti hili lilitembelea katika vituo vya Makatani ambako kulishuhudiwa mafundi waliopiga kambi Makambako wakiendelea na kazi ya kufanyia matengenezo mashine hizo.  Mwenyekiti wa Tume ya Taifa ya Uchaguzi (Nec), Jaji Damian Lubuva aliliambia gazeti hili kuwa changamoto zote zilizokuwa zikikabili kazi hiyo ikiwamo ya mashine kuharibika pamoja na vidole sugu zimetatuliwa.
Mwenyekiti wa Chadema, Freeman Mbowe amesema uandikishwaji wa Daftari la Kudumu la Wapigakura kwa mfumo wa BVR hauwezi kukamilika wala kuwafikia Watanzania wote kwa wakati kwa wanaohitaji kuandikishwa na kudai kuwa ni wazi Tume ya Taifa ya Uchaguzi (Nec) imepanga kuharibu matokeo ya uchaguzi mkuu ujao.
 Pia, Mbowe alisema Serikali inakimbilia kujibebesha mizigo mizito ambayo haiwezi kuikamilisha kwa pamoja huku akitaja mizigo hiyo kuwa ni pamoja na Uchaguzi Mkuu ujao, kura ya maoni ya Katiba Inayopendekezwa na uandikishaji wa daftari la kudumu la wapiga kura.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma