Bilioni 103 za benki ya dunia kujenga nyumba

Dar es Salaam. Benki ya Dunia (WB) imetoa Dola 60 milioni (Sh 103 bilioni) za Marekani kwa ajili ya kusaidia ujenzi wa nyumba za bei nafuu kwa wananchi.
Taarifa iliyotolewa na benki hiyo, ilieleza kuwa fedha hizo zitasaidia kuendeleza mradi wa ujenzi wa nyumba ulioanzishwa mwaka 2010 na kwamba kwa sasa thamani ya uwekezaji katika mradi huo imefikia Dola 100 milioni za Marekani.
Mkurugenzi wa Benki hiyo Tanzania, Burundi na Uganda, Phillipe Dongier alisema, ukuaji wa kasi wa miji unaonyesha kwamba kuna haja ya kuwapo kwa ujenzi wa nyumba za bei nafuu.
“Miji inakua kwa kasi, hivyo tunapaswa kutengeneza mazingira ya kutoa mikopo ya ujenzi wa nyumba za bei nafuu kwa wananchi.”
Pia alisema: “Lengo letu ni kusaidia upatikanaji wa nyumba za bei nafuu, mpango huu utazisaidia familia zenye kipato cha chini kumiliki nyumba na kuepuka gharama za kupanga.”
Dongier alisema fedha hizo zitasaidia upatikanaji wa mikopo nafuu na familia kumiliki nyumba zao badala ya kujenga nyumba kwa muda mrefu.
Mkurugenzi huyo alisema mpango huo utazivutia benki nyingine kutoa mikopo ya ujenzi kwa wakati tofauti kutokana na sasa mikopo ya nyumba kutopatikana kirahisi.
Mtaalamu wa Uchumi kutoka Chuo cha Usimamizi wa Fedha, Dk Eliamani Sedoyeka alisema, Tanzania ni miongoni mwa nchi za Afrika Mashariki ambazo uchumi wake unakua kwa kasi hivyo nyumba hizo zitasaidia uboreshaji wa makazi ya mijini.
Kwa upande wake, Mtaalamu Mwandamizi wa Kitengo cha Fedha kutoka Benki ya Dunia, Yoko Doi ambaye pia ni mjumbe wa Kikosi Kazi cha Viongozi wa Benki ya Dunia alisema, idadi ya benki zinazotoa mikopo ya nyumba imeongezeka kutoka nane mwaka 2010 hadi 19 kwa 2014 na muda wa kurejesha mikopo ya nyumba umeongezeka kutoka miaka saba ya awali hadi miaka 20 ambayo benki zinatoa kwa sasa.
Alisema wanaamini mchango huo wa IDA utaiwezesha TMRC kuwa imara ili kufanikisha malengo yake, ikiwamo kutumia fursa zilizopo kupanua wigo zaidi.
Tanzania Mortgage Refinancing Company (TMRC) ni kampuni ambayo inatimiza majukumu yake ya kuratibu na kuendeleza soko la nyumba za mikopo nafuu.
International Development Association (IDA) chini ya Benki ya Dunia imekuwa ikisaidia kundeleza makazi ya watu kwa gharama nafuu kwa kushirikiana na kampuni mbalimbali zinazohusika na miradi ya nyumba za bei nafuu.    

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma