Dr.Shein – Hakuna mamlaka kamili Zanzibar!

Dr A. Shein Rais wa Zanzibar

Rais wa Zanzibar, Dk Ali Mohamed Shein amesema ndoto za wapinzani kutaka kuvunja Muungano kwa kutumia visingizio vya Zanzibar kuwa na mamlaka kamili, hazitofanikiwa na kuwataka kusahau mpango huo.
Akizungumza na wananchi wa mikoa miwili katika mkutano wa hadhara katika Uwanja wa Gombani ya Kale, Chake Chake Pemba jana, alisema

Serikali anayoiongoza yeye inafuata makubaliano ya Hati za Muungano ya mwaka 1964.
Katika mkutano huo alioutumia kufafanua mafanikio ya miaka minne ya kuwepo madarakani na Katiba Inayopendekeza, Dk Shein alisema makubaliano hayo yanahusu muundo wa Muungano wa serikali mbili.
“Wapo watu wanadai Zanzibar kuwa na mamlaka kamili…huwezi kuwa na mamlaka kamili kwa mujibu wa Hati ya Muungano ya mwaka 1964…kufanya hivyo ni kuvunja Muungano,” alisema.

Alisema, kwa bahati mbaya, wapinzani wamekuwa wakitumia nafasi ya kupotosha wananchi wa Pemba, hata kwa mambo yenye maslahi ambayo yamelenga kuimarisha uchumi na kukuza maendeleo.
“Mimi nashangaa sana hawa wapinzani, walikimbia katika mchakato wa Katiba na sasa wapo vichochoroni wakifanya kazi ya kupotosha ukweli uliopo,” alisema.

Kwa mfano alisema kwa bahati mbaya, anasikitika kuwa baadhi ya mawaziri wake, wamekuwa wakiongoza kwa upotoshaji wa hali ya juu kwa mambo ambayo wanafahamu ukweli wake.
“Nasikitika sana wananchi… wapo baadhi ya viongozi katika Serikali ninayoiongoza ni vigeugeu wa hali ya juu, sijui kwa nini jamani,” alisema Dk Shein kwa masikitiko.

Akifafanua, alisema wapo waliotaka muundo wa Muungano wa Mkataba, ambao umekataliwa kwa sababu hauna maslahi na unaweza kuvunja Muungano wa serikali mbili.

Alisema Serikali ya Mapinduzi ya Zanzibar (SMZ) ipo kwa mujibu wa sheria ikiwa na mihimili yake yote mitatu, ikiwemo Rais, Mahakama na Baraza la kutunga Sheria. “Sasa huyu anayesema Serikali ya Mapinduzi ya Zanzibar haina mamlaka nani? Utakuwaje Rais wa Zanzibar kama huna mamlaka ya nchi?” alihoji.

Aliwataka wananchi wa Pemba, kujitokeza kwa wingi kuipigia kura Katiba Inayopendekezwa wakati ukifika, kwani katiba hiyo ndiyo mkombozi kwa wananchi wa Zanzibar, itakayoimarisha umoja na utulivu na kuleta maendeleo ya wananchi wote.

Dk Shein alisema kisiwa cha Pemba sasa kimebadilika kwa kiwango kikubwa, kutokana na mabadiliko yanayoletwa siku hadisiku, ikiwemo kuimarishwa kwa miundo mbinu na nishati ya umeme.
“CCM ndiyo chama kinachozingatia maendeleo na kuleta mabadiliko ya wananchi wa Unguja na Pemba ambapo hata washiriki wa maendeleo wanatupongeza kila siku,” alisema.

Mwenyekiti wa CCM Mkoa wa Kusini Pemba, Hamad Bakari Mshindo, alisema wananchi wa Pemba wapo tayari kupigia kura Katiba Inayopendekezwa wakati ukifika. “Nawaomba Wapemba wenzangu, msikubali kupotoshwa na kudanganywa na wapinzani wanaosema kwamba Katiba Inayopendekezwa haina maslahi kwa wananchi wa Zanziba…si kweli,” alisema.
Alisema Katiba Inayopendekezwa imetoa fursa kubwa kwa wananchi wa Zanzibar na kufaidika katika maeneo mbali mbali ikiwemo ardhi, elimu na mambo ya uchumi.
=======================================================================

Maelfu ya wananchi wa kisiwani Pemba waliohudhuria Mkutano huo.
Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein na Makamu Mwenyekiti wa CCM-Zanzibar akisalimina na Viongozi mbali mbali alipowasili katika uwanja wa Ndege wa Karume, Pemba.

Rais wa Zanzibar na Mwenyekiti wa Baraza la Mapinduzi ambaye pia Makamu Mwenyekiti wa CCM-Zanzibar, Dk.Ali Mohamed Shein(katikati) Naibu katibu Mkuu wa CCM-Zanzibar, Vuai Ali Vuai (wa tatu kushoto) Makamu wa Pili wa Rais na pia Mjumbe wa Kamati kuu ya Halmashauri kuu ya CCM

Taifa(NEC), Balozi Seif Ali Iddi, Mwenyekiti wa CCM Mkoa wa Kusini Pemba, Abdalla mohamed Mshindo na Mke wa Makamu wa Pili wa Rais Zanzibar, Mama Asha Balozi wakiwa katika Mkutano wa Hadhara uliofanyika katika uwanja Gombani ya Kale, Pemba
Makamo Mwenyekiti wa CCM Zanzibar na Rais wa Zanzibar na Mwenyekiti wa Baraza la Mapinduzi,

Dk.Ali Mohamed Shein akizungumza na maelfu ya wananchi wa Mikoa ya Pemba katika Uwanja wa Gombani ya kale, Kisiwani Pemba
Makamu Mwenyekiti wa CCM-Zanzibar ambaye pia ni Rais wa Zanzibar na Mwenyekiti wa Baraza la

Mapinduzi, Dk.Ali Mohamed Shein akionesha Katiba Inayopendekezwa wakati akizungumza na wananchi wa Mikoa ya Pemba katika Uwanja wa Gombani ya Kale, Kisiwani Pemba
Baadhi ya wananchi wa kisiwani Pemba wakisikiliza kwa makini hoja za viongozi mbali mbali katika mkutano uliofanyika katika uwanja gombani ya kale, Wilayani Chake chake, Pemba

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma