Nyalandu: Hatuna mpango kufukuza Wamasai Loliondo

WAZIRI wa Maliasili na Utalii, Lazaro Nyalandu, amesema habari zinazodai serikali inataka kuwaondoa wakazi wa zaidi ya 40,000 eneo la Loliondo mkoani Arusha ni za uongo na uchokozi.
Novemba mwaka huu, gazeti The Guardian la nchini Uingereza, liliandika habari kuwa serikali ina mpango wa kuwafukuza Wamasai wanaoishi eneo hilo.
Gazeti hilo lilidai kuwa, lengo ni kuwapatia eneo lenye kilometa za mraba 1,500, kampuni ya OBC ya Falme za Kiarabu.
Akizungumza na waandishi wa habari bungeni jana, Nyalandu alisema habari hizo hazina ukweli wowote.
“Yaani kwamba sisi tunataka tutume maaskari kuwatoa watu kwenye maboma yao tuyachome moto tuwafukuze? Habari hizo ni za uongo, habari hizo zinataka kuipaka tope nchi yetu na ni za uchochezi na mimi nina uhakika wengi wa mashabiki wa habari hizo ni majirani zetu wa nchi jirani,” alisema.
Aliwataka wakazi wa eneo hilo kuishi bila hofu, kwa sababu serikali haina mpango wa kuwaondoa kwenye makazi yao.
“Nami niwahakikishie wanajamii wa Loliondo, Ngorongoro na wanajamii wote wa kimasai ambao wametishiwa nyau, kuwa serikali ya Tanzania haina mpango wowote wa kumfuata kumfukuza mtu yoyote,” alisema.
Alisema mara baada ya Bunge, amepanga kutembelea vijiji hivyo kuzungumza mipango bora ya matumizi ya ardhi, njia bora za kutunza mifugo wakati wa ukame na jinsi ya kuchimba mabwawa.
Nyalandu, alisema lengo jingine la ziara hiyo ni kuzungumza jinsi ya kuhakikisha afya zao na mifugo yao zinakuwa salama.


Aliwapongeza wafugaji wa eneo hilo kwa kuwa sehemu ya uhifadhi na kwamba, Tanzania ni nchi pekee ambayo wafugaji wanaishi ndani ya Hifadhi ya Ngorongoro na mifugo yao.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma