Watanzania waaswa kuchangia elimu

NAIBU Waziri wa Elimu na Mafunzo ya Ufundi, Jenista Mhagama, amesema watanzania wanapaswa kuondokana na dhana kuwa jukumu la kutoa elimu bora linapaswa kubebwa na serikali peke yake.
Amesema dhana hiyo ndiyo huwaathiri kwa kiasi kikubwa watoto wa kike na kusababisha kushuka kwa kiwango chao cha elimu, baada ya kuhadaiwa na wanaume wakati wakitoka eneo moja kwenda jingine kwa ajili ya kutafuta elimu.
Mhagama, alitoa kauli hiyo jijini Dar es Salaam jana, wakati akiwatunuku vyeti vya utambuzi wadau mbalimbali waliochangia ujenzi wa mabweni kwa ajili ya watoto wa kike kupitia uhamasishaji uliofanywa na Mamlaka ya Elimu Tanzania (TEA).
Alisema wananchi wamekuwa hodari kuchangia sherehe zinazotumia gharama kubwa huku wakishindwa kuhimizana kuchangia walau sh 200,000 katika kila kamati kwa ajili ya kuboresha mazingira ya elimu.
“Wanaotunukiwa vyeti leo wamejijengea heshima kubwa katika sekta ya elimu kwa kuwa tupo zaidi ya milioni 40, lakini ni wachache waliojitokeza na hawa kwa nafasi yao wamefanikiwa kuwaepusha mabinti zenu na wale vijogoo ‘fresh’ wanaowaharibia masomo,” alisema Mhagama na kuongeza;
Tuchukulie mfano hapa Dar, kuanzia Alhamisi mpaka Jumamosi ni sherehe na kuna kumbi zaidi ya 200 hivi, kwanini wahusika wasichange walau sh 200,000 kwa ajili ya kumbukumbu yao ya kuinua elimu nchini.
Awali, Mkurugenzi Mkuu wa TEA, Rosemary Lulabuka, alisema tangu kuanzishwa kwa mfuko wa elimu hadi kufikia Juni mwaka huu, wachangiaji wamefanikiwa kuchanga jumla ya sh bilioni 12.6.
Alisema mahitaji ya elimu nchini ni makubwa kuliko mchango wa serikali na kwamba, kama wadau watajiweka pembeni kutakuwa na tatizo zaidi.
Aliongeza kuwa, kwa kiasi kikubwa waandishi wa habari wamesaidia kutangaza na kuandika matatizo yanayowakabili watoto wa kike, hali iliyoongeza hamasa ya uchangiaji kutoka kwa wadau.


Baadhi ya wachangiaji ni pamoja na benki ya CRDB, Shirika la Nyumba la Taifa, NHC, PPF, PSPF, MMI Steel Mils na wasanii mbalimbali wa muziki wa kizazi kipya, ambao wote walipewa vyeti vitakavyowasaidia kusamehewa sehemu ya kodi katika baadhi ya vitu watakavyoingiza nchini.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma