Lipumba aoishauri serikali kuhusu IPTL, deni MSD

CHAMA cha Wananchi (CUF), kimeitaka serikali kuacha mzaha wa kuchezea maisha ya watanzania katika upatikanaji wa mahitaji muhimu, ikiwa ni pamoja na dawa za tiba mbalimbali.
Akizungumza na Waandishi wa Habari Dar es Salaam jana, Mwenyekiti wa chama hicho, Prof. Ibrahimu Lipumba, alisema hali ya upatikanaji wa dawa katika zahanati na hospitali inazidi kuwa mbaya kutokana na kushindwa kununua dawa kutoka Bohari ya Dawa (MSD), kutokana na malimbikizo ya madeni.
Alisema hadi kufikia Septemba 2014, MSD inadai hospitali na vituo vya serikali sh bilioni 102 , ambako mwishoni mwa mwaka 2013, deni hilo lilikuwa sh bilioni 76.4.
Alisema sera ya serikali ni vituo vya afya vya serikali kuwapa matibabu bure kina mama wajawazito, watoto chini ya miaka mitano, wazee, watu wenye magonjwa sugu, wasiojiweza pamoja na wenye ulemavu, lakini inashindwa kufanya hivyo.
“Inasikitisha na inaonesha namna gani serikali ya CCM isivyomjali mwananchi wa kawaida, waziri wa afya anapozitaka hospitali kulipa madeni ya bohari ya dawa kwa kutumia nusu ya fedha za uchangiaji zinazolipwa na wananchi, hii ni sawa na kuzieleza hospitali hizo zisitoe huduma bila malipo,” alisema Prof. Lipumba.
Ufisadi wa IPTL
Prof. Lipumba, alizungumzia sakata la IPTL kwa kulihusisha na uchaguzi mkuu, ambako alisema CCM imewawekea fursa wapambe wake kujichotea fedha za umma kupitia fedha zilizowekwa katika akaunti maalum ya Escrow, Benki Kuu ya Tanzania (BoT).
Prof. Lipumba, alisema kama viongozi wa serikali wangekuwa na nia ya dhati ya kuwatumikia watanzania kwa uadilifu, mwaka 2014 mitambo ya IPTL ilitakiwa kuwa ya Tanesco, kwa kuwa mkataba wake na serikali ulikuwa wa miaka 20 ambao unakamilika sasa.
Alisema kuna viongozi wa serikali wanashiriki kuihujumu Tanesco, jambo linaloonyesha jinsi CCM kilivyo chama cha mafisadi kisichokuwa na hata chembe ndogo ya uzalendo.
Alisema CUF inaisubiri  kwa hamu taarifa ya ukaguzi ya mkaguzi mkuu wa serikali wa ‘Tegeta Escrow Account’ na ni matumaini yao CAG ameifanya kazi hiyo kwa uadilifu na weledi wa juu bila woga.
Changamoto kwa serikali ya UKAWA
Prof. Lipumba, alisema serikali ijayo ambayo anaamini itakuwa ya changamoto kubwa, kwani itarithi malimbikizo makubwa ya madeni ya nje na ndani, matumizi mabaya ya fedha za umma na ukosefu mkubwa wa uadilifu na uwajibikaji.


Alisema kwa miaka 10 ijayo, Tanzania inaweza kukuza uchumi kwa wastani wa asilimia 10 na kuongeza ajira kwa vijana na kwamba yote yatawezekana ikiwa kutakuwa na uzalendo wa dhati na kuweka mbele maslahi ya wananchi wa kawaida na kutumia rasilimali na maliasili ya nchi.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma