Tunafundishwa kuchukua sheria mkononi

Mimi nachukia tabia ya watu kujichukulia sheria mkononi. Napenda watu tuwe watiifu kwa sheria na linapotokea tatizo, basi taratibu za kisheria zifuatwe. Naamini kwamba huo ndiyo ustaarabu, pia ni njia sahihi ya kuhakikisha kwamba haki inatendeka.
Si unajua, mtu anaweza akapigiwa kelele na mtu mwingine kuwa ‘mwizi’, watu wakatoka na mapanga na mashoka kumrudi mwizi huyo na baada ya kitendo wanang’amua kwamba wala siyo mwizi ila ni mtu wanayemfahamu kwamba ni mlevi na siku hiyo kapotea njia.
Mpaka waling’amue hilo, tayari mtu amekwishaathirika. Yapo mengi ya aina hiyo na sote tunakubaliana kwamba kinachowapata watu hao wasio na hatia siyo kizuri hata kidogo. Waathirika wangepelekwa kwenye vyombo vya sheria, hakika wasingepata madhara waliyoyapata kwa sababu huko ingejulikana huyu alilewa na huyu alipotea, lakini siyo wezi.
Lakini nazungumza hivi kama wasimamizi wa sheria wangefanya kazi zao. Mara nyingi tumeshuhudia namna wanavyoshindwa kuwajibika kwa kutowasikiliza wananchi pale wanaporipoti ukiukwaji wa sheria unaofanywa na wasiopenda ustaarabu.
Wasimamizi hawa wa sheria wanafanya zoezi la kufuata sheria liwe kama ujinga fulani kwani hupati unachokihitaji. Hili ndilo linalowafanya watu sasa watafute njia nyingine ya kujihami na hao wanaovunja sheria na taratibu nayo ni kujichukulia sheria mkononi.
Napata kigugumizi kuwalaumu wananchi wanaojichukulia sheria mkononi baada ya kushindwa kupata majibu kutoka kwa watawala. Hivi karibuni, wananchi wa kijiji kimoja huko Kaskazini, waling’oa mazao ya watu wanaosadikika kuyaotesha kwenye vyanzo vya maji. Kwa kuotesha mazao katika maeneo hayo, maji yalipungua na watu wakaathirika.
Sasa, sijui kama ingekuwa ni busara wao kusubiri mpaka vyanzo hivyo vikauke kabisa halafu ndiyo wakae kwenye vikao wakilalamikia watu waliootesha mazao yao huko? Siyo vyema kutamka, lakini mimi nafikiri utawala ulioziba masikio kuhusu jambo hilo, ndiyo uliotoa ruhusa kwa wananchi hao kujichukulia sheria mkononi.
Tena walichonifurahisha ni kwamba, baada ya kung’oa wakapanda miti, kisha kuweka ulinzi kuhakikisha kwamba wapuuzi hao wanaolima kwenye vyanzo vya maji hawarudi tena. Hii ni aibu kwa watawala husika. Yaani watawala wa eneo husika wanapozidiwa nguvu na wapuuzi wakati wana mamlaka na sheria inayowapa nguvu kuchukua hatua, halafu wananchi wanawaweza wapuuzi hao, tujiuize kuna utawala kweli hapo?
Picha inajichora vizuri ni kwamba, watu wanajiongoza wenyewe. Tena cha kushangaza, hakuna mtawala aliyefungua kinywa chake kana kwamba wanaiambia jamii “nyie endeleeni tu” Nadhani na sisi wa mjini tunapatiwa funzo hapa kwamba kwa yale yanayotukera, ambayo watawala wa eneo husika wameshindwa kuchukua hatua na tunaamini tutaathirika, basi tuchukue hatua wenyewe. Mimi naijua shule jirani yangu ambayo uongozi wake umeamua kupunguza gharama za kuhudumia maji taka kwa kuyatiririsha kwenye jamii, badala ya kunyonya kwa magari na kuyapeleka huko yanakotakiwa kumwagwa.
Jamii imeshaonana na uongozi wa shule, wameshapeleka malalamiko yao Serikali ya Mtaa, lakini hakuna hatua iliyochukuliwa na wakuu hao wanasubiri kukiwa kumetulia kidogo basi watatiririsha tena.
Hivi tukinyanyuka siku moja kwa mapanga na virungu tukaenda kuvunjavunja majengo na vifaa vya shule hiyo tutaambiwa tumechukua sheria mkononi?
Najua tutaambiwa Serikali ya mtaa iliposhindwa, basi tungepeleka kata, kutoka kata, twenda wilaya na kadhalika mpaka sijui tufike kwa Rais ndipo ionekane kwamba hapo tumefuata sheria? Kwa nini usumbufu wote huo?

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma