mwanzo Ajali yaua 12 Morogoro

Morogoro. Watu 12 wamefariki dunia papohapo na wengine ambao idadi yao haijafahamika wamejeruhiwa baada ya basi walilokuwa wakisafiria  kugonga treni ya abiria eneo la Kiberege, Ifakara Wilaya ya Kilombero.
Ajali hiyo iliyohusisha basi la Kampuni ya Aljabir ilitokea jana saa 9:15 alasiri.
Kamanda wa Polisi Mkoa wa Morogoro, Leonard Paulo alisema miongoni mwa waliokufa katika ajali hiyo, sita ni wanaume, wanne wanawake na watoto wawili mmoja wa kike na mwingine wa kiume. Paulo aliwataja marehemu watatu waliotambulika kuwa ni Frugensia Lusangila (60) na Albeta Lusangila (62) wakazi wa Ichonde Tarafa ya Mang’ula na Joseph Kazwila (34) mkazi wa Dar es Salaam.
 Akielezea chanzo cha ajali hiyo Kamanda Paulo alisema, dereva wa basi hilo alivuka barabara yenye makutano na reli bila ya kuchukua tahadhari na kuigonga treni.
Alisema kuwa majeruhi wa ajali hiyo wamepelekwa katika Hospitali ya Mtakatifu Francis Ifakara na Kituo cha Afya Kibaoni kwa matibabu.
Alisema dereva wa basi hilo alikimbia mara baada ya ajali hiyo kutokea na polisi wanaendelea kumtafuta.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na ...
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu...
Endelea kusoma

Kibondo;Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi wakutosha hali inayopelekea kuathili ufundishaji

Picha
Alfrida Ndungulu mkuu wa chuo Atashasta Nditiye Mbunge jimbo la Muhambwe Kibondo; Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi  wakutosha hali inayopelekea kuathili ufundishaji Chuo hicho hakina Jengo la Maabara kwa ajili ya kujifunzia kwa vitendo kwa wanafunzi walimu waliopo ni watatu na mahitaji wanatakiwa wapo walimu kumi na tano Akiongelea swala hilo jana  katika mahafali ya saba  kwa wahitimu ngazi ya cheti mkuu wa chuo hicho Alfreda Ndungulu alisema licha ya walimu kujituma kufanya kazi kwa bidii lakini changamoto hizo zimekuwa zikiwalemea kwa kukosa mahitaji muhimu kama vifaa vya maabara kwa ajili ya kufundishia huku akiiomba serikali kupitia wizara ya Afya maendeleo ya Jamii Jinsia, Wazee na Watoto kulitazama kwa namna ya pekee Nao wanafunzi waliokuwa w...
Endelea kusoma