Ulinzi miundombinu ya DART waungwa mkono

Pendekezo la Kamati ya kudumu ya Bunge ya Serikali za Mitaa na Tawala za Mikoa (Tamisemi) kuharakisha uundwaji wa Kikosi Kazi cha ulinzi kwenye miundombinu ya mradi wa mabasi yaendayo haraka limeungwa mkono.
Hivi karibuni, kamati hiyo katika kikao chake na Wakala wa Mradi wa Mabasi Yaendayo Haraka (DART) ilitoa pendekezo kwa uongozi wa wakala huo kuzungumza na jeshi la polisi kuona jinsi ya kuunda kikosi kitakachohusika na ulinzi wa miundombinu hiyo inayoharibiwa.
Wajumbe wanaounda kikundi kazi cha mawasiliano na utoaji elimu kwa umma katika kikao chao cha hivi karibuni kwa pamoja wameunga mkono agizo la kamati ya Tamisemi na kuahidi kuendelea kuwaelimisha wananchi umuhimu wa kuilinda na kuitunza miundombinu hiyo ya DART.
Kikundi kazi hicho kinaundwa na maofisa habari kutoka taasisi mbalimbali ambazo zina uhusiano wa moja kwa moja na mradi huo. Pia Askari wa Usalama Barabarani wanakuwa na uwakilishi kwenye vikao vya maofisa habari na mawasiliano wa mradi.
“Naamini mjumuiko huu utasaidia katika kuleta uhamasishaji mkubwa katika maeneo yetu, maana tatizo hili limekuwa kubwa na linaendelea kushika kasi,” alisema Mkurugenzi wa Utawala, Rasilimali Watu na Mawasiliano wa DART, Evodius Katare.
Katare alisema anaamini uwepo wa vyombo vya usalama katika kikosi kazi hicho kutarahisisha suala la kulinda miundombinu hiyo hasa kwa kushirikiana na viongozi walioko katika ngazi za mtaa, kata na hata wilaya, ili kukomesha hujuma zinazoendelea.
Alisema hatua inayofuata ni kuandaa kikao cha pamoja kati ya Wakala, maafisa habari wanaohusika katika mradi na jeshi la polisi ili kutafuta njia nzuri ya kuweza kukabiliana na watu wanaohujumu na wale wanaofanya biashara katika eneo hilo kinyume na sheria.
Mkuu wa Polisi wa Wilaya ya kipolisi ya Magomeni (OCD), Mrakibu Mwandamizi wa Polisi (SSP), Anyimile Nsemwa alisema kwa ushirika huo kazi ya kuwaondoa watu katika maeneo hayo itakuwa rahisi kwao.
Mbali na kuunga mkono kamati ya bunge, Mkuu wa Mawasiliano wa Halmashauri ya Jiji la Dar es Salaam, Bw.Gaston Makwembe alisema atafanya kila liwezekanalo kuhakikisha wananchi wanapata elimu ya kutosha juu ya umuhimu wa mradi na faida zake.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma