Mauaji tena Kiteto, Serikali yawaangukia viongozi wa siasa

WAKATI mkulima Hassan Kondeya ameuawa jana na kundi la wafugaji wa kabila la Masai, Serikali imetoa kauli kuhusiana na hali tete ya mauaji ya mara kwa mara wilayani humo.

Akitoa tamko maalum la Serikali jana Bungeni, Waziri wa Mambo ya Ndani ya Nchi, Mathias Chikawe, alisema kuwa Serikali inawataka viongozi wa siasa kuchukua hatua kuhakikisha suluhu ya kudumu inapatikana Wilaya ya Kiteto mkoani Manyara.

Alisema jeshi la polisi linaendelea kudhibiti hali ya usalama katika Kijiji cha Matui wilayani humo ambako juzi mapigano hayo yalisababisha vifo vya watu zaidi ya wanne na wengine kujeruhiwa.

“Hali bado ni tete wilayani Kiteto ni wajibu wa viongozi wa siasa kuchukua hatua kuhakikisha suluhu ya kudumu inapatikana Kiteto,” alisema Chikawe.
Akizungumzia mauaji katika Kijiji cha Matui, alisema mwanakijiji Mzee Kodenya alikwenda kulalamika kituo cha Polisi kwamba, kuna wafugaji jamii ya Kimasai wameingiza ng’ombe katika shamba lake la mihogo.
“Alifika katika kituo cha polisi jioni na kuwaeleza, lakini baadaye alisema kwa kuwa anawafahamu wahusika, ataenda kuzungumza nao ili wayamalize. Aliamua hivyo kutokana na mkutano wa wakulima na wafugaji ambao walikubaliana kwamba kukiwa na jambo lolote ni vyema wakae na kutatua, hivyo polisi walikubali aende kufanya hivyo,” alisema Waziri Chikawe.

Alisema juzi Mzee huyo alikutwa amefariki dunia, mwili wake ukiwa umefukiwa kiwiliwili huku kichwa kikiwa nje katika shamba lake hilo la mihogo.

Chikawe, alisema kutoka na mauaji hayo, kabila la ndugu wa marehemu Kondenya, walikusanyika na kuvamia maboma ya wafugaji.
“Walivamia kubomoa maboma ya wafugaji, wakachoma moto na kuswaga mifugo na kuondoka nayo, huku wakiwatuhumu wamasai kuhusika na mauaji ya ndugu yao…

Wakati wakiendelea na uhalifu huo, walikutana na mama mmoja wa kimasai akiwa amebeba mtoto wake wa kiume wa miaka minne, walimkatakata mama huyo kwa mapanga na kumuua huku wakimuacha mtoto akiwa salama,” alisema Chikawe.
Aidha, alisema kutokana na mauaji hayo, wafugaji walianzisha mapigano na kusababisha vifo vya watu wanne.
Hata hivyo, alisema uongozi wa Mkoa wa Manyara pamoja na wa Wilaya ya Kiteto, walifika katika kijiji hicho na bado wapo hadi sasa, wakijitahidi kurudisha hali ya amani na kufanya uchunguzi kubaini waliohusika na uhalifu huo ili waweze kuchukuliwa hatua.

Aidha, alisema Jeshi la polisi limefanikiwa kuwakamata watuhumiwa watano katika eneo la kijiji cha Chitego Wilaya ya Kongwa wakiwa na ng’ombe 121 walioibiwa na kufikisha jumla ya ng’ombe 309 waliokamatwa.
Kauli ya Serikali, imekuja siku mbili baada ya Naibu Spika wa Bunge, Job Ndugai, kulieleza Bunge kuwa hali ya maisha Kiteto inatisha kutokana na mauaji ya mara kwa mara kati ya wakulima na wafugaji.


Alisema ukifika Kiteto, huwezi kuamini kama ni sehemu ya Tanzania, kwani watu wanamiliki silaha watakavyo kana kwamba hakuna Serikali.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma