Karibu Profesa Assad, weledi ndiyo siri pekee

Rais Jakaya Kikwete amemteua Profesa Mussa Juma Assad kuwa Mdhibiti na Mkaguzi Mkuu wa Hesabu za Serikali (CAG).
Kwa mujibu wa taarifa iliyotolewa na Katibu Mkuu Kiongozi, Balozi Ombeni Sefue, uteuzi wa Profesa Assad ulianza Novemba 5. Uteuzi wa profesa huyo mshiriki aliyekuwa katika Idara ya Uhasibu, Chuo Kikuu cha Dar es Salaam ni wa kuziba pengo lililoachwa na Ludovick Utouh ambaye amestaafu kazi hiyo kwa mujibu wa sheria za utumishi wa umma.
Tunaungana na wananchi wengine kumpongeza Profesa Assad kwa uteuzi huo tukiamini kwamba weledi wake katika fani hiyo na misingi mizuri iliyowekwa na mtangulizi wake, vitamrahisishia kazi zake katika taasisi hiyo nyeti ambayo imejijengea heshima kubwa ndani na hata nje ya nchi kutokana na jinsi inavyotimiza majukumu yake.
Katika kipindi chake cha uongozi, Utouh aliifanya taasisi hiyo kuwa maarufu hususan baada ya Rais Kikwete kuridhia ripoti za CAG kupitia katika Bunge la Jamhuri ya Muungano, hatua ambayo imeifanya ofisi hiyo kuwa tegemeo kubwa katika kusimamia nidhamu ya matumizi ya fedha na mali ya umma.
Chini ya Utouh, tulishuhudia ukaguzi wa kina uliogusa karibu kila sekta ya umma, jukumu ambalo, kwa kupitia kamati za Bunge na Bunge lenyewe lilichangia kwa kiwango kikubwa nidhamu ya matumizi.
Tulishuhudia hatua mbalimbali za kinidhamu zikichukuliwa dhidi ya watendaji waandamizi wa Serikali na kisiasa katika kipindi cha Utouh kwa wale waliokiuka sheria, kanuni na taratibu za matumizi ya fedha za umma. Mfano mzuri ni ripoti yake ya mwaka 2012 ambayo iliwang’oa mawaziri sita kati ya wanane ambao wizara zao zilionekana kugubikwa na ufisadi wa fedha za umma.
Ripoti hiyo ilimlazimu Rais Kikwete kupangua baraza lake la mawaziri na kuwang’oa, Dk Cyril Chami (Viwanda na Biashara), Omary Nundu (Uchukuzi), Ezekiel Maige (Maliasili na Utalii), Dk Hadji Mponda (Afya na Ustawi wa Jamii), Mustafa Mkulo (Fedha) na William Ngeleja (Nishati na Madini).
Baada ya kutoka kwa ripoti hiyo, Utouh alikaririwa na vyombo vya habari akiwatahadharisha mawaziri walioteuliwa kujaza nafasi zilizoachwa wazi na wengine kwamba wanapaswa kutimiza majukumu yao kikamilifu kwa kuwa ripoti zake hivi sasa zina nguvu ya kusimamia uwajibikaji, hivyo wanapaswa kusimamia vyema wizara zao kuzuia ubadhirifu wa fedha za umma.
Aliwaambia kuwa tangu wakati huo hadi mwaka 2015, kulikuwa na ripoti nyingine tatu, hivyo wachukue tahadhari kwa kuwa wao ndiyo wasimamizi wakuu wa shughuli za wizara na kwamba kilichokuwa kimetokea bungeni wakati ule hadi mawaziri kuwajibishwa, kilithibitisha kuwa sasa kutakuwa na uwajibikaji mkubwa utakaosababishwa na ripoti zake kama watendaji wasipofuata taratibu za Serikali. Kauli ya CAG huyo mstaafu imethibitishwa na kilichotokea katika Ripoti ya Kamati ya Bunge ya Hesabu za Serikali (PAC), kuhusu taarifa ya ukaguzi maalumu wa miamala iliyofanyika katika Akaunti ya Tegeta Escrow pamoja na umiliki wa Kampuni ya IPTL.
Siku za mawaziri waliotajwa kwenye sakata hilo lililohusu uchotwaji wa Sh306 bilioni pamoja na Mwanasheria Mkuu, zinahesabika baada ya Bunge kuishauri Serikali iwawajibishe. Tumejaribu kurejea haya kuonyesha dhima inayomkabili Profesa Assad katika ofisi yake mpya tukimtarajia kwamba ataanzia pale mwenzake alipoishia na kufanya makubwa zaidi.
Tunaamini kuwa atafanya kazi yake kwa weledi na kwa kuzingatia maadili bila kukubali shinikizo la viongozi serikalini au wanasiasa.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu
Endelea kusoma

Wazazi timizeni wajibu wenu katika Malezi ili Watoto wenu wafikie Ndoto zao

Picha
    Maulid Jumaa Mdau wa Elimu na Mkurugenzi Ahava Sekondari alipokuwa akizungumza na wanafunzi na Wazazi wakati wa Mahafali ya pili Kuitimu Kidato cha Nne  Frolence Samizi Mbunge wa Jimbo la Muhambwe alipokuwa akiwahutubia mamia katika mahafali ya pili kuhitimu Kidato cha nne 2023 Shule ya Sekondari Ahava iliyoko Kibondo Mkoani Kigoma Wazazi timizeni wajibu wenu katika Malezi ili Watoto wenu wafikie Ndoto zao Muhingo Mwemezi   Kibondo Wazazi kutotimiza wajibu sababu zinazopelekea Vitendo vya mmomonyoko wa maadili kuendelea kushamili kwa Watoto na wengine kushindwa kufikia ndoto zao Licha ya maelekezo toka   kwa Serika na Wadau mbalimbali juu ya   wazazi na walezi ambayo uwataka kutimiza wajibu wao huwaachilia watoto wao katika masuala ya starehe bila maonyo na makaripio kwa watoto na kupelekea kushindwa masomo mwisho wa kwa wasichana kubeba Mimba na wavulana madawa ya kulevya Baadhi ya wanafunzi wa shule mbalimbali   Wilayani Kibondo Mkoani Kigoma wamesema wengi wao wamekuwa w
Endelea kusoma