Miundombinu Ustawi wa Jamii kuboreshwa

SERIKALI imeahidi kulitafutia ufumbuzi tatizo la miundombinu linaloikabili Taasisi ya Ustawi wa Jamii ili kukabiliana na ongezeko kubwa la wanafunzi kila mwaka katika Taasisi hiyo.
Akizungumza mwishoni mwa wiki katika mahafali ya 38 ya  Taasisi  ya Utawi wa Jamii, Waziri wa Afya na Ustawi wa Jamii, Dk. Seif Rashidi, alisema ofisi yake inaangalia uwezekano wa kulimaliza tatizo la miundombinu katika  Taasisi hiyo ya elimu ya juu ili kuendana na ukuaji wake.
Alisema katika utekelezaji wa hilo, Wizara yake itaangalia uwezekano wa kuikabidhi Taasisi baadhi ya majengo ya mikoani yanayomlikiwa na Wizara ya Afya na Ustawi wa Jamii, ili Taasisi iweze kupanua huduma zake hadi mikoani.
“Ofisi yangu italishughulikia suala hili kwa umakini mkubwa ili majengo yaliyo chini ya wizara yangu hasa yale yaliyopo mikoani, na ambayo wizara kwa sasa haiyatumii  mkabidhiwe ili muendelee kupanua huduma za utoaji wa elimu  ikiwa ni hatua ya kukabiliana na ongezeko la udahili,” alisema Rashidi.
Pia, Waziri Seif aliitaka Taasisi hiyo kuendelea kufanya tafiti  katika nyanja mbalimbali hasa katika maeneo ya manejimenti ya rasilimali watu, uongozi kazi na ustawi wa jamii, zitakazoibua changamoto kwa lengo la kuleta ufumbuzi wa matatizo yanayoikabili jamii.
Naye Mwenyekiti wa bodi ya magavana wa Taasisi hiyo, Prof. Lucian Msambichaka, alisema Taasisi  mwaka huu  imeanzisha shahada ya uzamili katika fani ya ustawi wa jamii, ikiwa ni sehemu ya utekelezaji wa mpango wa matokeo makubwa sasa (BRN).
Naye mkuu wa Taasisi hiyo, Dk. Abu Mvungi, alimwambia mgeni rasmi kuwa, licha ya changamoto zinazoikabili Taasisi  hiyo, bado imeendelea kutekeleza kwa ubora wa hali ya juu majukumu yake makuu matatu ambayo ni mafunzo, utafiti na kutoa ushauri weledi .


Katika mahafali hayo ya 38, wahitimu 1,225 walitunukiwa  tuzo zao katika fani za menejimenti ya rasilimali watu, uongozi kazi na ustawi wa jamii kwa kiwango cha astashahada, stashahada, shahada na stashahada ya uzamili.

Maoni

Chapisha Maoni

Machapisho maarufu kutoka blogu hii

Matumizi ya simu kwa wanafunzi chanzo mmomonyoko wa maadili’

Picha
MATUMIZI ya simu kwa wanafunzi shuleni ambayo yamekuwa chanzo cha mmomonyoko wa maadili kwao, yanaweza kudhibitiwa endapo wamiliki wa shule, walimu na wazazi watasimamia sheria zitakazosaidia kuwabana wanafunzi kumiliki simu. Hayo yalibainishwa hivi karibuni wakati wa mahafali ya kwanza kwa darasa la saba na ya saba kwa kidato cha nne katika Shule ya Msingi na Sekondari ya Mwilamvya Wilaya ya Kasulu mkoani hapa na Mkaguzi Mkuu wa Shule Kanda ya Ziwa Magharibi, Adrian Mlelwa. Mlelwa, alisema kuwa asilimia kubwa ya wanafunzi hutumia simu katika vitendo viovu na kusahau kutekeleza majukumu ya elimu wawapo shuleni. Alisema kuwa kwa sasa ni kipindi cha utandawazi, hivyo mawasiliano ni muhimu kwa kila mmoja, japokuwa katika matumizi hayo kuna madhara na faida zake, na wanaoathiriwa na madhara ya matumizi ya simu ni wanafunzi kwa vile wengi wao hutazama picha za ngono na kutumiana ‘meseji’ za mapenzi wakati wa masomo. “Hatuwezi kuwazuia wanafunzi kutumia simu kuwasiliana na ...
Endelea kusoma

HATARI: Wengi wanunua sabuni za dawa bila maelekezo ya wataalamu

Ni jambo lililozoeleka kwa sabuni zenye dawa kuuzwa mitaani, badala ya kwenye maduka maalumu. Uuzwaji huu wa kiholela usiozingatia afya ya mtumiaji unaweza kuwa na athari bila muhusika kufahamu. Gazeti hili limebaini kuwa wengi wa wanaonunua sabuni hizo, kama Dettol, Rungu, Family na Life Bouy, hawanunui kwa ajili ya tiba badala yake hununua kulingana na zinavyonukia na zinavyotoa taka mwilini. Endrew Mlungu, mkazi wa Buguruni Dar es Salaam, aliyekuwa akinunua sabuni hizo maeneo ya Buguruni Chama, alisema kuwa anapenda kutumia Life Bouy kwa sababu akiogea zinamtakatisha na huziona taka zikimtoka wakati anajisugua. Anasema pale hali yake ya kifedha inapokuwa si nzuri, hutumia sabuni nyingine lakini akiwa nazo anainunua kwa kuwa humuacha mwepesi na akioga, hufanya kweli. “Nikiogea sabuni tofauti na hii najisikia kama sijaoga na hata nikiangalia sakafuni wakati najisugua sioni taka kwa maana hiyo hazitoi na hazinisafishi vizuri,” anasema Mlungu. Mlungu anafafanu...
Endelea kusoma

Kibondo;Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi wakutosha hali inayopelekea kuathili ufundishaji

Picha
Alfrida Ndungulu mkuu wa chuo Atashasta Nditiye Mbunge jimbo la Muhambwe Kibondo; Chuo cha Uuguzi kilichoko Wilayani Kibondo mkoani Kigoma kina kabiliwa na matatizo mbalimbali ikiwa ni pamoja na ukosefu wa miundo mbinu ya majengo fedha kwa ajili ya kuendeshea chuo hicho na ukosefu wa watumishi  wakutosha hali inayopelekea kuathili ufundishaji Chuo hicho hakina Jengo la Maabara kwa ajili ya kujifunzia kwa vitendo kwa wanafunzi walimu waliopo ni watatu na mahitaji wanatakiwa wapo walimu kumi na tano Akiongelea swala hilo jana  katika mahafali ya saba  kwa wahitimu ngazi ya cheti mkuu wa chuo hicho Alfreda Ndungulu alisema licha ya walimu kujituma kufanya kazi kwa bidii lakini changamoto hizo zimekuwa zikiwalemea kwa kukosa mahitaji muhimu kama vifaa vya maabara kwa ajili ya kufundishia huku akiiomba serikali kupitia wizara ya Afya maendeleo ya Jamii Jinsia, Wazee na Watoto kulitazama kwa namna ya pekee Nao wanafunzi waliokuwa w...
Endelea kusoma